Икенсе көн нисек үтте?

Башҡортостанда Рәсәй Президентын һайлауҙа тауыш биреүҙең икенсе көнө йомғаҡтары буйынса халыҡтың 64,82 проценты тауыш бирҙе.

“Икенсе көн киске сәғәт 8-гә һайлаусыларҙың 64,82 проценты тауыш бирҙе, был 1 904 036 кеше килде тигән һүҙ”, – тиелә Башҡортостан Үҙәк һайлау комиссияһы белдереүендә.

Ағиҙел ҡалаһы ҡала округында һәм 22 муниципаль районда тауыш бирергә килеүселәр иҫәбе 70 проценттан артҡан.

Быйыл тауыш биреү өс көн - 15-17 мартта үтә. Иртәгә һуңғы көн. Әгәр ошоға тиклем үҙ бурысығыҙҙы үтәп өлгөрмәһәгеҙ, быны иртәгә эшләп ҡалырға ашығығыҙ. 

Фото: "Башинформ".