Салауат районы киләсәген һайланы

Рәсәй Президенты һайлауында Башҡортостан халҡы бик әүҙем ҡатнашты. Салауат районы яҡшы күрһәткестәр күрһәткән.

– Салауат районы киләсәген һайланы. Абсолют күпселек тауыш менән беҙ Рәсәй Федерацияһының ғәмәлдәге Президенты Владимир Владимирович Путинға бөгөн алынған курсты дауам итергә – граждандарҙың тыныс тормошон һәм илебеҙҙең именлеген тәьмин итеүгә – берҙәм һәм ҡеүәтле Рәсәй курсын дауам итергә ышанып тапшырҙыҡ. Салауат халҡының 94 проценттан ашыуы лидерыбыҙ өсөн тауыш бирҙе.

Ошо көндәрҙә тәртип һәм хәүефһеҙлек тәьмин иткән һәр кемгә, ирекмәндәргә, һайлау участкалары ағзаларына, участкаларҙа байрам кәйефен тыуҙырған һәр кешегә рәхмәт. Салауат районында йәшәүселәрҙең барыһына ла әүҙем гражданлыҡ позицияһы өсөн рәхмәт белдерәм, – тип яҙҙы Салауат район хакимиәте башлығы Марс Кашапов.

Фото: vk.com/marskashapov

#ВыбираемПрезидента
#Башкортостан
#БашВыбор2024