Яҙмышыбыҙ уртаҡ

Бөйөк башҡорт шағиры Мостай Кәрим “Беҙгә рустар менән бер яҙмыш бирелгән...” тип яҙған. Башҡортостан һәр ваҡыт илдең терәк төбәге булды һәм шулай ҡала.

Рәсәй Сит ил эштәре министрлығы майҙансығында сит дәүләттәрҙең дипломатик корпусы өсөн Башҡортостандың иҡтисади, инвестиция һәм туристик ҡеүәте менән таныштырыу сараһы уҙҙы. Республика менән Рәсәйҙең сит ил эштәре министры Сергей Лавров һәм төбәк Башлығы Радий Хәбиров таныштырҙы.

80-гә яҡын сит ил ҡунағы күргәҙмәлә республикабыҙ ҡаҙаныштары, уның үҙенсәлекле тәбиғи матурлығы, мәҙәниәте менән танышты. Ниндәй экспозициялар күрһәтелде һәм делегациялар нисек ҡабул ителде – барыһы ла  беҙҙең роликта. Бергә ҡарайыҡ!

Фото: видеонан скриншот.