Элекке министрға хөкөм ҡарары үҙгәртелгән

17 майҙа Һамарҙағы Алтынсы кассация суды элекке вице-премьер, Башҡортостандың элекке торлаҡ-коммуналь хужалыҡ министры Борис Беляев һәм Башҡортостандың Төҙөлөш министрлығының элекке башлығы Рәмзил Күсәрбаев эше буйынса хөкөмдө үҙгәртте. Эш фигуранттары РФ Енәйәт кодексының вәкәләттәрен арттырыу тураһында 286-сы статьяһының 1-се өлөшө буйынса язанан азат ителә. Ҡарар яуаплылыҡҡа тарттырыу ваҡыты үткәнгә бәйле ҡабул ителде, тип хәбәр иттеләр Өфө судының матбуғат хеҙмәтенән.

Ҡарар эштең башҡа өс фигурантына ла ҡағыла: капиталь төҙөлөш идаралығы начальнигы урынбаҫары Рәмил Сафинға, Күмертау башлығының элекке урынбаҫары Юрий Куровҡа һәм капстроительство идаралығының 2-се Капиталь төҙөлөш бүлеге башлығы Шадмурат Бикимбәтовҡа.

2023 йылдың ноябрендә Башҡортостандың Юғары суды Өфөнөң Ленин район судының был эш буйынса хөкөмөн үҙгәртә. Борис Беляевтың срогы алты йылдан ике йылға һәм ике айға тиклем, Күсәрбаевтың холоҡ төҙәтеү-хеҙмәт колонияһында алты йылдан өс йылға тиклем ҡыҫҡартыла. Икеһе лә, тәфтиш изоляторында үткәргән ваҡытын иҫәпкә алып, тәғәйенләнгән срогын үтәгән, Күсәрбаев икенсе эш буйынса яза үтәүен дауам итә. Рәмил Сафин, Юрий Куров һәм Шадмурат Бикимбәтовты ноябрҙә язаның ғәмәлдәге срогы шартлы срокка алмаштыралар.

Ул саҡта Суд ғәйепләнеүселәрҙе хеҙмәт ялғанлығы статьяһы буйынса язанан азат итә, ә РФ Енәйәт кодексының 286-сы статьяһының 3-сө өлөшөндәге в пунктынан (вазифа вәкәләттәрен арттырыу) ғәмәлдәр 1-се өлөшкә үҙгәртелә, ауыр эҙемтәләр килтереү тураһында пункт алып ташлана.

Рәмзил Күсәрбаевтың адвокаты Лариса Исаева: “Бишәүһе лә тәғәйенләнгән язанан тулыһынса азат ителә һәм енәйәт яуаплылығына тарттырыу ваҡыты тамамланыуға бәйле енәйәт эҙәрлекләүе лә туҡтатыла. Йәғни апелляция инстанцияһы суды тарафынан тәғәйенләнгән нәмә законһыҙ рәүештә тәғәйенләнгән. Беҙҙең позиция бер һүҙһеҙ ҡалды – беҙ аҡлау хөкөмөнә өлгәшәсәкбеҙ, РФ Юғары Судына мөрәжәғәт итәсәкбеҙ”, — тип билдәләне ул.

Фото сығанағы: https://t.me/c/1601276259/17749