МХО яугирҙәренә һәм уларҙың ғаиләләренә тағы бер ташлама булдырылды

Башҡортостан Башлығы Радий Хәбиров махсус хәрби операцияла ҡатнашыусыларға һәм уларҙың ғаиләләренә тағы бер ташлама булдырыу тураһындағы Указға ҡул ҡуйҙы.

Рәсми-хоҡуҡи мәғлүмәт порталында баҫылған был документта махсус хәрби операция яугирҙәре, уларҙың ата-әсәләре, ҡатындары һәм балалары төбәк һәм муниципаль-ара әһәмиәттәге түләүле юлдарҙа йөрөгәндә түләүҙән азат ителеүе тураһында хәбәр ителә.

Указ махсус бойороҡҡа тиклем ғәмәлдә ҡала.

Башҡортостанда Өфөләге “Көнсығыш сығыу юлы” – берҙән-бер түләүле юл. Тимәк, хәҙер  махсус хәрби операция яугирҙәре, уларҙың ата-әсәләре, ҡатындары һәм балалары ошо юлда бушлай йөрөү хоҡуғына эйә. 

Фото: vk.com/transport.bashkortostan