“Беҙҙе онотмағанығыҙ өсөн рәхмәт!”

Һайлауҙың икенсе көнөндә күптәр гражданлыҡ бурысын үтәне  лә инде. Хәҙер һайлау участкаһы ағзаларының өйҙән-өйгә йөрөп, үҙ аллы участкаға килә алмағандар янына барыу мөмкинлеге бар.  Шулай уҡ һайлау комиссиялары булмаған тораҡтарға барырға була. Комиссия ағзалары бюллетендәр, тауыш биреү өсөн күсмә йәшник алып юлға сыға һәм бер кем дә ситтә ҡалмаһын өсөн өй буйлап йөрөй.

 Иҫке Ҡорос ауылында йәшәгән Клара Яхина үҙе оҙаҡ йылдар һайлау комиссияһы  ағзаһы булып эшләгән. Сауҙикамал Яҡупова ла ошо уҡ ауылдан. 89 йәшлек Минизада Саҙрисламова – Маматайҙан. Хеҙмәт ветерандары үҙҙәрен онотмағандары, тауыш биреү хоҡуғынан файҙаланырға мөмкинлек биреүҙәре өсөн рәхмәт белдерҙе.

Фото: https://vk.com/tatvestnik