Заманса протездар спорт менән шөғөлләнеү мөмкинлеген биргән

Махсус хәрби операция ветераны Руслан Заһитов тап шулай тип иҫәпләй. Ул профессиональ спортсы, мәктәп йылдарынан самбо һәм дзюдо менән шөғөлләнә башлай, урындағы һәм халыҡ-ара кимәлдәге турнирҙарҙа уңышлы сығыш яһай.

– Һәр күнекмәне ғәҙәттә “Ватанды яратабыҙмы?” тигән һорау менән башлайбыҙ. Физик яҡтан ғына түгел, рухи яҡтан да күнекмәләр яһарға тырышам, – ти Руслан.

Ул махсус операция башланғас, егеттәр өсөн өлгө булырға тейешмен, тигән етди ҡарарға килә. Башҡортостандың “Ватан” ирекле отряды составында махсус операцияға юллана. Хеҙмәт итеү осоронда бурыстарын яҡшы үтәгәне өсөн рәхмәт хаты, “Батырлыҡ өсөн” миҙалы ала.

Авдеев йүнәлешендә хәрби бурыстарҙы үтәгәндә күп һанлы ярсыҡтарҙан яралана. Һөҙөмтәлә аяғын юғалта.

“Ватанды һаҡлаусылар” дәүләт фонды аша ветеранға спорт протезы заказ ителә. “Сентябрҙән Өфөләге яңы көрәш һарайында балаларҙы өйрәтә башланым. Бында үҫеп килгән быуындың дөрөҫ фекерәүе өсөн көрәште дауам итәсәкмен”, - тип иҫәпләй Руслан Заһитов.

Ветерандарҙың һәм уларҙың ғаилә ағзаларының һорауҙары булһа, “Ватанды һаҡлаусылар” фондының ҡыҙыу линияһына шылтырата ала.

117 (өҫтәмә 1) яҙығыҙ, операторҙар 11 секунд эсендә яуап бирәсәк. 

???????? Государственный фонд “Защитники Отечества”.

Башҡортостан Республикаһындағы филиалының адресы: Өфө ҡалаһы, Минһажев урамы, 107.

Телефоны: Телефон: 8 (347) 268-01-02.

Фото һәм мәғлүмәт сығанағы: https://t.me/zahitnikiotechictvarb/2636