Владимир Путиндың тура эфирға сығыу көнө билдәле

Быйыл Рәсәй Президенты Владимир Путин менән тура бәйләнеш кесе йома, 19 декабрҙә, була, ул 12:00 сәғәттә (Мәскәү ваҡыты буйынса) башлана. 

Быйыл да, былтырғы кеүек үк, бер сарала аралашыу ике форматта уҙғарыласаҡ: залдағы журналистар ҙа, Рәсәйҙең төрлө төбәктәрендә йәшәүселәр ҙә һорауҙар бирәсәк. Икенсе төрлө әйткәндә, был тура бәйләнеш менән ҙур матбуғат конференцияһы буласаҡ.

Владимир Путин менән тура бәйләнеш күпме ваҡытҡа һуҙыласаҡ - быны бер кем дә белмәй. Формат асыҡ, шуға күрә һәр ваҡыт оҙайлығы менән айырыла. Мәҫәлән, былтыр Президент халыҡтың һорауҙарына дүрт сәғәт самаһы яуап бирҙе.

Владимир Путинға нисек һорау бирергә? Һорауҙар йыйыу рәсми рәүештә иғлан ителмәгән әле. Шуға күрә тура бәйләнеш иғлан ителеүен көтөргә кәрәк: шул саҡта ойоштороусылар бөтә кәрәкле мәғлүмәтте күрһәтәсәк.

Владимир Путин менән тура һыҙыҡты ҡайҙа ҡарарға? Был йәһәттән проблемалар булмаясаҡ: тура бәйләнеш йыл һайын бөтә төп федераль телеканалдарҙа күрһәтелә.

Фото сығанағы: kremlin.ru, Владимир Астапкович, РИА «Новости»