Башҡортостан Башлығы судтар рәйестәре кәңәшмәһендә сығыш яһаны

28 февралдә Башҡортостан Башлығы Радий Хәбиров республиканың район, ҡала һәм район-ара судтары рәйестәре менән кәңәшмәлә сығыш яһаны. Сара былтырғы йыл һөҙөмтәләренә арналды.

-Иң тәү сиратта һеҙгә яуаплы эшегеҙ өсөн рәхмәт белдерге килә. Юғары һөнәри оҫталығығыҙ, хоҡуҡи мәҙәниәт, кешеләргә иғтибарлы мөнәсәбәтегеҙ закон һәм дәүләттең абруйын, йәмғиәттең власҡа ышанысын нығыта, - тип белдерҙе Радий Хәбиров.

Былтыр республика судтары 1,415-тән ашыу эште ҡараны. Мировой судьяларҙың эш йөкләмәләре артҡандан-арта. 2023 йылда бер мировой судьяға 487 эш тура килһә, былтыр был һан 533 тәшкил иткән. Үҫеш - ун процент.

-Беҙ мировой судьяларҙың суд участкаларын ремонтлауға һәм заманлаштырыуға, суд власының кешеләрҙең иң яҡын эшенә уңайлы шарттар булдырыуға ҙур иғтибар бүләбеҙ. Былтыр 14 бинала капиталь ремонт атҡарҙыҡ. Уларҙың барыһы ла лайыҡлы йыһазландырылған һәм заманса талаптарға яуап бирә, - тине Башҡортостан Башлығы.

Йыл һайын республика федераль кимәлдәге төрлө сараларҙы үткәреү майҙаны булып тора. Былтыр октябрҙә Өфөлә Рәсәй Федерацияһының Судьялар советы кәңәшмәһе булды.

Башҡортостандың Юғары суды рәйесе Рәил Шәйҙуллин республика Башлығы Радий Хәбировҡа суд системаһына ышаныс, үҙ-ара эш итеү һәм иғтибар өсөн рәхмәт белдерҙе.

Сығанаҡ, фото: https://glavarb.ru/ru/news/event/radiy-habirov-vysokiy-pro