Йәнә Салауат һәйкәле тирәләй тауыш ҡуптарып маташалар

Башҡортостанда Салауат Юлаев һәйкәлен төҙөкләндереү буйынса ҡарар ҡабул ителде. Был – һәйкәлде киләсәк быуындарға һаҡлап ҡалыу өсөн кәрәк булған бик мөһим аҙым. Властар бының өсөн барыһын да эшләй. Тик улар менән бергә экстремистар ҙа был ваҡиғаға етди әҙерләнә. Реставрация эштәре башланыу тураһында иғлан иткән көндә үк яңы гербтың ялған проекты барлыҡҡа килә.

“Фактчекинг по-башкирски” телеграм-каналы экстремистарҙың федераль мәҙәни әһәмиәттәге объектты реставрациялауҙы Башҡортостан символикаһын юҡҡа сығарыу итеп күрһәтергә тырышыуы хаҡында күп тапҡырҙар яҙғайны инде. Бында "Салауат Юлаев. Реставрация” тип аталған махсус пабликка иғтибар итергә кәрәк. Унда Башҡортостанды милли герой Салауат Юлаев исеме менән бәйләгән бөтә нәмә тиерлек тупланған.

Шуныһы мөһим, реставрация өҫтөндә илдең иң яҡшы белгестәре эшләйәсәк. Ә эштәр Өфө биләмәһендәге цехта үтәсәк.

Салауат Юлаев – Башҡортостандың айырылғыһыҙ символы, уның менән йөҙләгән объект, мәҙәни күренештәр һәм сәнғәт әйберҙәре бәйле.

"Өфө пульсы" телеграм-каналы, имеш, яҙылыусыһы ебәргән мәғлүмәт менән уртаҡлашты: Ғафури районында яңы мәктәпте ябып, уны мигранттар өсөн ятаҡ итеп үҙгәртәләр. Был ялған.

Баҫмала ҡулланылған фотоһүрәттә, ысынлап та, Ғафури районының Курорт ауылы мәктәбе һүрәтләнә. Әммә был мәктәпте үҙгәртеп ҡороу, ябыу йәки эшмәкәрлек төрөн үҙгәртеү тураһында бер ниндәй ҙә ҡарарҙар ҡабул ителмәй һәм киләсәктә планлаштырылмай. Курорт ауылындағы мәктәп ғәҙәти режимда эшләүен дауам итә.

Бындай ялғандарҙың таралыуы кешеләрҙе  юлдан яҙҙыра һәм паника тыуҙыра. Рәсми сығанаҡтарҙан тикшерелгән мәғлүмәттәргә генә ышанығыҙ һәм имеш-мимештәренең таралыуына булышлыҡ итмәгеҙ.

“Уфимский визионер” телеграм-каналы Башҡортостан сода компанияһы тураһында яҙҙы. Башҡортостан сода компанияһы тарихындағы 2025 йылдың 3 мартында Рәсәй Президенты үҙенең указы менән БСК-ны стратегик предприятиелар исемлегенән алып ташлап һәм компанияның федераль акциялары менән ышаныслы идара итеүҙе туҡтатырға ҡушыуынан һуң барлыҡҡа килгән яңы осор, үҙенең логик тамамланыуына етеп килә.

Иҫегеҙгә төшөрәбеҙ, ул саҡта киң мәғлүмәт саралары республиканың компания өҫтөнән контролде генә түгел, Ә БСК акцияларының 38,4 процентын юғалтыуы тураһында имеш-мимештәр тарата башланы.

Әлбиттә, был "ышаныслы сығанаҡтарҙан алынған мәғлүмәтте" төп таратыусылар булып Рәүфә Рәхимова менән бәйле телеграм-каналдар тора. Күрәһең, уның бабаһының һәм ағаһының бөтә Башҡортостандың яғыулыҡ-энергетика комплексын республика контроленән сығарыу буйынса уңышлы операцияһы тынғы бирмәйҙер.

Ошо көндәрҙә “Росхим”дың, ысынлап та, Башҡортостан сода компанияһы акцияларының федераль өлөшөн (57,43 процент) һатып алыуы билдәле булды, әммә, Рәсәй Федерацияһы Хөкүмәте Бойороғона ярашлы, устав капиталының 11,7 проценты Башҡортостан Республикаһы билдәләгән ойошманың ышаныслы идаралығына тапшырыласаҡ. Акцияларҙың республика өлөшө иһә Башҡортостан милкендә ҡала.

Башҡортостан республиканың иң эре һалым түләүселәренең береһе булған БСК эшмәкәрлегенә контролде һаҡлап ҡалыуҙан тыш, акционерҙарға (шул иҫәптән Башҡортостанға ла) дивидендтарҙы түләтәсәк.

Һөҙөмтәлә Радий Хәбиров сираттағы тапҡыр үҙенең лоббистик мөмкинлектәрен генә түгел, стратегик һиҙемләү дөрөҫлөгөн дә күрһәтте һәм төбәктең иң эре һалым түләүселәренең һәм инвесторҙарының береһе менән ныҡлы ышаныслы мөнәсәбәттәр булдырҙы.

Әбйәлил районында баҡыр табыу буйынса инвестиция проекты темаһы әле һаман тынмай. Был юлы “Башкирский гамбит” телеграм-каналы, кешеләргә дөрөҫ мәғлүмәт биреү өсөн яңы эксперт фекерҙәре менән уртаҡлашты. Бына уларҙың ҡайһы берҙәре.

Росприроднадзорҙың Көньяҡ Урал төбәк-ара идаралығы етәксеһе Роман Болотов (ер аҫты байлыҡтарын файҙаланыу стандарттарын үтәүҙең ҡәтғи контроле һәм гарантиялары тураһында):

– Экологик экспертиза сиктәрендә эксперттар төркөмө эшләй һәм һәр береһе үҙ йүнәлеше буйынса эшкәртеүсегә етди һәм уңайһыҙ һорауҙар бирә. Әгәр кемдер законһыҙ табыш алып барһа, был ҙур штраф санкциялары, енәйәт яуаплылығы менән янай. Һәм шуны әйтергә теләйем: был предприятиеның устав капиталы ярайһы уҡ ҙур, ул беҙгә административ штрафтарҙы ла, зыянды ла түләтергә мөмкинлек бирәсәк.

БР экология һәм тәбиғәттән файҙаланыу министры вазифаһын башҡарыусы Данил Шәрәфетдинов (тау-мәғдән эшмәкәрлегенә экологик контроль тураһында):

– Геологик разведка эштәрен үткәреү быраулауҙы һәм геофизик эштәрҙе үҙ эсенә ала һәм тирә-яҡ мөхиткә минималь йоғонто яһай. Ер аҫты байлыҡтарын артабан файҙаланыу, эҙләү һәм баһалау буйынса контролде һәм дөйөм алғанда ер аҫты байлыҡтарын файҙаланыусы эшмәкәрлеген беҙҙең төбәк Тәбиғәттән файҙаланыу өлкәһендә күҙәтеү буйынса федераль хеҙмәт тормошҡа ашырасаҡ.

Рәсәй экология йәмғиәте башлығы Рәшит Исмәғилев (йәмәғәт контроленең мөһимлеге тураһында):

– Бөгөн властарҙың һәм инвесторҙарҙың яуаплы булыуын, әммә йәмәғәт контроле кәрәклеген аңлайбыҙ. Ул бойондороҡһоҙ булырға тейеш. Йәмәғәтселектең, урындағы халыҡтың ҡатнашыуы мотлаҡ. Асыҡлыҡ баштан уҡ тәьмин ителергә тейеш.

Башҡортостан Дәүләт Йыйылышы – Ҡоролтайҙың граждандар йәмғиәте институттарын үҫтереү буйынса комитеты рәйесе урынбаҫары Шамил Вәлиев (кешеләрҙең ғәҙел өмөттәре тураһында):

– Ошоға тиклем Урал аръяғында төрлө файҙалы ҡаҙылмаларҙы контролдән тыш сығарҙылар, был эшкәртеүселәр урындағы берләшмә алдында бер ниндәй ҙә социаль яуаплылыҡ тотманы. Шуға күрә сәнәғәтселәрҙән социаль яуаплылыҡ көтөү һәм хәүефләнеү нигеҙле.

“Салауат” яуаплылығы сикләнгән йәмғиәтенең инвестиция проектын тормошҡа ашырыуҙы мониторинглау буйынса күҙәтеү советы етәксеһе Айрат Әминев (совет бурыстары тураһында):

– Күҙәтеү советы 10 майҙа Буранғол ауылындағы йыйылышта халҡыбыҙ үтенесе буйынса ойошторолдо һәм 26 ҡатнашыусыны – геологтарҙы, ғалимдарҙы, төрлө кимәлдәге депутаттарҙы, эшҡыуарҙарҙы үҙ эсенә ала. Ҡаршы килеүселәр ҙә, яҡлаусылар ҙа бар. Артабан йөрөйәсәкбеҙ, белгестәрҙе йәлеп итәсәкбеҙ. Ҡарарбыҙ, билдәләрбеҙ, бөтәһен дә төшөнөрбөҙ һәм халыҡҡа күрһәтербеҙ. Инвестор төплө аралашыуға әҙер.

“Салауат” яуаплылығы сикләнгән йәмғиәте директоры Таһир Бәхтигәрәев (ятҡылыҡты эшкәртеүсенең социаль йөкләмәләре тураһында)

– Беҙ тәбиғәткә һаҡсыл ҡарай һәм шул уҡ ваҡытта юғары технологиялы предприятиелар төҙөй беләбеҙ, улар тирәләй бәләкәй һәм урта бизнес үҫешкән территориялар булдырабыҙ. Беҙ яңы эш урындары һәм һалым базаһына аҡса бирәсәкбеҙ. Районда социаль саралар менән шөғөлләнәсәкбеҙ, район һәм республика үҫешенә этәргес бирәсәкбеҙ.

Бөтә донъя башҡорттары ҡоролтайы башҡарма комитеты ағзаһы Хәлил Рәхмәтуллин (“Салауат” яуаплылығы сикләнгән йәмғиәте ҡатнашырға тейешле көнүҙәк мәсьәләләр тураһында)

– Бөгөн районда 44 меңдән ашыу кеше йәшәй. Был 15 ауыл биләмәһе. Һәм һәр ауылда иғтибар итергә кәрәк булған проблемалар бар: Амангилде ауылында авария хәлендәге мәктәп ябылған. Буранғол һәм Амангилде клубтарын ремонтлау кәрәк. Хәмит ауылында юлдар асфальт түшәү талап ителә.