Константин Шаһиморатовҡа ышаныс белдерелде

Башҡортостан Башлығы Радий Хәбировтың указына ярашлы, Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп Константин Шаһиморатов тәғәйенләнде.

Башҡортостан Башлығының икенсе указы нигеҙендә, башҡа эшкә күсеү сәбәпле, Альбина Воробьева Башҡортостан Башлығының Дәүләт Йыйылышы – Ҡоролтайҙағы тулы хоҡуҡлы вәкиле вазифаһынан бушатылды.  

Белешмә:

Шаһиморатов Константин Нил улы 1975 йылдың 29 ғинуарында Өфөлә тыуған. Башҡорт дәүләт университетын, “Синергия” Мәскәү финанс-сәнәғәт университетын тамамлаған.

Хеҙмәт юлын 1998 йылда Өфөнөң Совет районындағы халыҡ мәшғүллеге бюроһында хоҡуҡ мәсьәләләре буйынса белгес булараҡ башлаған.

2001 йылда – Өфө ҡалаһындағы Ер ресурстары һәм ер төҙөлөшө буйынса комитетта ер-кадастр бюроһының юридик бүлеге етәксеһе.

2001 – 2012 йылдарҙа – Өфөнөң Совет районындағы халыҡ мәшғүллеге бюроһы директоры урынбаҫары.

2012 – 2018 йылдарҙа – “Республика мәғлүмәт-консультация үҙәге” коммерцияға ҡарамаған автономиялы ойошмаһы генераль директоры урынбаҫары.

2018 йылда – Мәскәү өлкәһе Красногорск ҡалаһында Һайлау комиссияһы рәйесе.

2019 – 2025 йылдарҙа – Башҡортостан Республикаһы Контроль-иҫәп палатаһы рәйесе.

Башҡортостан Республикаһының атҡаҙанған юрисы.

Фото: Башҡортостан Башлығы сайты.