Алдаҡсылар аҙым һайын...

Әбйәлил районында баҡыр ятҡылығын эшкәртеү тирәләй ялған хәбәрҙәр таралыуы дауам итә. Күрәһең, Урал Байбулатовтың “өлгөһө” бер кемде лә факттарҙы тикшерергә өйрәтмәгән. Был юлы – "Яҡты-Сабаҡты. Чебачье күле" “Бәйләнештә” төркөмө хужаһы – Магнитогорск дачасыһы һәм, күрәһең, спутник һүрәттәрен ижади интерпретациялауҙы яратыусы Олег Заинченко айырылып тора. Уның ялғанын “Фактчекинг по-башкирски” телеграм-каналы фашланы.

Ул ятҡылыҡтың лицензиялы участкаһында ер аҫты файҙаланыусыһы тарафынан урманды күпләп ҡырҡыу, шулай уҡ флора һәм фаунаны юҡ итеү тураһында белдерә. Хәбәре “ышаныслылыҡ” булһын өсөн ул Google-карталарҙан скриншоттар ҡуша. Әммә ниңәлер бөтөнләй башҡа территорияларҙан, ятҡылыҡтан түгел, ә Үҙәнбашҡа яҡыныраҡ урындан. Уның баҫмаһынан алынған скриншоттарҙа “Салауат” яуаплылығы сикләнгән йәмғиәте ҡуртымға алған участкалар бөтөнләй һүрәтләнмәгән. Картанан күренеүенсә, “Салауат” яуаплылығы сикләнгән йәмғиәте эшләгән урын күпкә көньяҡтараҡ урынлашҡан. Уның һүрәттәрендә урмандарҙы үҙләштереү өлкәһендә өҫтөнлөклө инвестиция проектын тормошҡа ашырыу сиктәрендә ҙур ағас әҙерләү компанияһы эшләгән участкалар күрһәтелгән. Карталарҙы асып ҡараһаң, быны тикшереүе еңел.

Белешмә: “Салауат” яуаплылығы сикләнгән йәмғиәте билдәле бер участкала урман ҡырҡыуҙы ҡәтғи закон буйынса – ҡуртым килешеүенә һәм эш планына ярашлы алып бара. Рәсәй Урман кодексы буйынса компания ҡырҡылған урманды тулыһынса тергеҙергә бурыслы. Был ошо уҡ участкала компания яңы ағастар ултыртырға тейеш тигәнде аңлата – быны Башҡортостандың Урман хужалығы министрлығы контролдә тота. Провокацияларға бирешмәгеҙ! Иғтибарлы булығыҙ һәм мәғлүмәтте тикшерегеҙ. Рәсми һәм ышаныслы сығанаҡтарҙы ғына уҡығыҙ.

“Однажды в Башкирии” сираттағы тапҡыр факттарҙы тикшермәй паника тарата. Был юлы улар 2024 йылдың ноябренән 2025 йылдың февраленә тиклем Сибайҙа инвалид ҡатын-ҡыҙҙың йәшәү өсөн мөһим дарыуһыҙ ҡалыуы һәм уны прокуратура аша ғына алыуы тураһында мәғлүмәт таратты. Әммә әйҙәгеҙ, ысынбарлыҡты асыҡлайыҡ.

Республика медицина мәғлүмәт-аналитика системаһы мәғлүмәттәренә ярашлы, Сибай пациенты төбәк льготаһы буйынса ланреотид препаратын алған: 2024 йылдың 1 октябре – ике төргәк, шул уҡ йылдың 28 октябрендә бер төргәк. Йәғни 2024 йылдың октябренән декабренә тиклем ул тулыһынса дарыу менән тәьмин ителгән.

2025 йылдың ғинуарында ҡатын Сибай республика клиник онкология диспансерында дауалана, унда уға яңы дауаланыу схемаһы тәғәйенләнә: Темозоломид беренсе көндән бишенсе көнгә тиклем; Ланреотид 28 көнгә бер тапҡыр. 2025 йылдың 14 ғинуарында ланреотид дәүләт контракты буйынса келәткә инә, һәм 13 февралдә пациентҡа өс төргәк дарыу бирелә.

“Инсайдер Башкортостана” телеграм-каналы Өфөнөң Цюрупа урамы, 93 адресы буйынса урынлашҡан 6-сы дарыуханала кәштәләр буш тора тип раҫлаған роликлы пост баҫтырҙы. Автор фекеренсә, был уңайһыҙлыҡ ҡына түгел, ә күп кешеләрҙең, бигерәк тә льготалы кешеләрҙең һәм хроник пациенттарҙың һаулығына етди хәүеф тыуҙыра. Автор РФ Хөкүмәтенең 890-сы ҡарарына һәм Йәшәү өсөн кәрәкле дарыуҙар исемлегенә һылтана, дарыухана лицензия талаптарын боҙа, сөнки медикаменттарҙың минималь ассортиментын тәьмин итмәй, тип белдерә. Әйҙәгеҙ, тикшерәйек

БР “Башфармация” дәүләт унитар предприятиеһының барлыҡ дарыуханалары, шул иҫәптән постта күрһәтелгәне лә, ҡануниәт талап иткәнсә, дарыуҙарҙың минималь ассортименты менән тулыһынса тәьмин ителгән. Һүҙ барған буш кәштәләр иһә, был препараттар етешмәү күрһәткесе түгел. Дарыухана витриналарында табип тәғәйенләмәйенсә һатып алырға мөмкин булған рецептһыҙ дарыуҙар, шулай уҡ медицина изделиелары ғына ҡуйыла. Ә бына льготалы һәм хроник пациенттар өсөн препараттар — рецептлы дарыуҙар. Уларҙы асыҡ кәштәләрҙә тотмайҙар, ә махсус урындарҙа: матди бүлмәләрҙә, шкафтарҙа йәки һыуытҡыстарҙа һаҡлайҙар. Был ҡәтғи һаҡлау һәм хәүефһеҙлек ҡағиҙәләрен үтәү өсөн эшләнә.

“Инсайдер Башкортостана”ның көслө белдереүҙәре — ни бары хайп эшләп маташыу. Ролик авторы дарыухана хеҙмәткәрҙәренән дарыуҙар бармы-юҡмы тип һорарға ла ваҡыт тапмаған кеүек. Килеп, буш кәштәләр ролигын төшөргән һәм киткән.

Интернетта телеграм-каналдар һәм “Бәйләнештәр” пабликтарында ялған документ таратыла башланы. Һүҙ “Бөтә Ерҙә лә тормош” тип аталған һәм ысынбарлыҡта булмаған программа тураһындағы “Указ” хаҡында бара. Ул күп балалы ғаиләләргә тыуым күрһәткестәре түбән булған субъекттарға күсергә тәҡдим итә. Ә Башҡортостандың Ғаилә, хеҙмәт һәм халыҡты социаль яҡлау министрлығы проектты әҙерләү өсөн яуаплы итеп тәғәйенләнгән. Был – күрәләтә ялған!

Иғтибар менән уҡығанда, ялған документтың 5-се пунктында бойороҡ тураһында һүҙ барғанын күрергә мөмкин. Шул уҡ ваҡытта документ иң баштан Указ тип атала.

Башҡортостан Республикаһының рәсми хоҡуҡи мәғлүмәт интернет-порталында 2025 йылдың 16 июлендә теркәлгән 699-сы һанлы указ бар. 17 июлдә документ 677 номеры менән бер нисек тә теркәлә алмай. Шулай уҡ указдың төп нөсхәһенә, ҡағиҙә булараҡ, мисәт ҡуйылмай. Ул ҡултамғаһыҙ баҫтырыу өсөн күсермәләргә генә кәрәк. Башҡортостандың Ғаилә, хеҙмәт һәм халыҡты социаль яҡлау министрлығы ла документтың дөрөҫлөгөн һәм ошо проекттың барлығын инҡар итте.

"Киреһенсә, Башҡортостанда дуҫ дәүләттәрҙән республикабыҙға квалификациялы белгестәр һәм уларҙың ғаиләләрен йәлеп итеү сәйәсәте алып барыла".

Беҙ социаль селтәрҙәрҙәге шикле баҫмаларға ышанмаҫҡа кәңәш итәбеҙ. Ә ышаныслы мәғлүмәтте дәүләт идаралығы органдарының рәсми сайттарында асыҡтан-асыҡ табырға мөмкин.