Дәүләт Думаһына һайлауҙа “Мобиль һайлаусы” эшләй

Рәсәй Федерацияһы Федераль Йыйылышының туғыҙынсы саҡырылыш Дәүләт Думаһы депутаттарын һайлауҙа граждандарға “Мобиль һайлаусы” тауыш бирергә ярҙам итәсәк.

3 августан урынлашҡан урынығыҙ буйынса һайлаусылар исемлегенә инер өсөн ғаризалар ҡабул ителә. “Мобиль һайлаусы” механизмы менән 2026 йылдың 18, 19, 20 сентябрендә – тауыш биреү көндәрендә йәшәү урынынан ситтә булған граждандар файҙалана ала.

“Мобиль һайлаусы” аша түбәндәге осраҡтарҙа тауыш бирергә мөмкин:

• командировкаға киткәндә;
• икенсе ҡалала уҡығанда;
• стационарҙа дауаланырға планлаштырғанда;
• отпускыға киткәндә;
• теркәлгән урынығыҙ буйынса йәшәмәгәндә;
• аҙ хәрәкәтсән һайлаусылар тауыш биреү өсөн яраҡлаштырылған икенсе һайлау участкаһын һайлағанда.

Ғаризаны бер ысул менән бирергә мөмкин:

• 2026 йылдың 3 авгусынан Мәскәү ваҡыты буйынса 24.00 сәғәткә тиклем электрон төрҙә “Дәүләт хеҙмәттәре” порталында;
• 2026 йылдың 3 авгусынан 14 сентябренә тиклем территориаль һайлау комиссияһына йәки күп функциялы дәүләт һәм муниципаль хеҙмәттәр күрһәтеү үҙәге аша;
• 2026 йылдың 9 сентябренән 14 сентябренә тиклем шәхсән теләһә ниндәй участка һайлау комиссияһында (УИК).

Ғариза биргәндә Рәсәй Федерацияһы гражданының паспортын күрһәтергә кәрәк (паспортты алмаштырыу осоронда фотоһүрәт менән ваҡытлыса шәхес танытмаһы).

Алтынсы саҡырылыш Өфө ҡалаһы ҡала округы советы депутаттарын һайлауҙа, шулай уҡ урындағы үҙидараның вәкиллекле органдарына – ауыл һәм ҡасаба советтарына, муниципаль район Һәм ҡала округтары советтарына төп һәм өҫтәмә һайлауҙа “Мобиль һайлаусы” механизмы ҡулланылмай.

Фото һәм мәғлүмәт сығанағы: БР Үҙәк һайлау комиссияһынан.

Беҙҙең МАХ каналына яҙылығыҙ: https://max.ru/gazetabashkortostan.