Балалар күп булһа, аҡса ла күберәк

“Ауыл биләмәләрен тотороҡло үҫтереү” республика ярҙамсы программаһы сиктәрендә Башҡортостандан 638 ғаилә торлаҡ шарттарын яҡшыртыуға субсидия аласаҡ. Уларҙың 473-ө – йәш ғаиләләр һәм белгестәр.

Ауыл хужалығы министрлығынан хәбәр итеүҙәренсә, райондар хакимиәттәрендә торлаҡ төҙөү һәм һатып алыу өсөн сертификаттар тапшыра башлағандар. Программа шарттарына ярашлы, субсидия күләме ғаилә ағзалары һанына бәйле буласаҡ.