Балалар баҡсаһында урын булмаһа...

Уның хаҡы – ай һайын алтышар мең һум. Сара иң беренсе Стәрлетамаҡ ҡалаһында тормошҡа ашырыла башлай. Был хаҡта Рәсәй Дәүләт Советының “социаль сәйәсәт” йүнәлеше буйынса эш төркөмө ултырышында Башҡортостан Хөкүмәте вице-премьеры вазифаһын башҡарыусы Ленара Иванова белдерҙе.

“Был бурыс республика етәксеһе Радий Хәбиров тарафынан ҡуйылды, – тине ул. – Йүнәлештең кураторы – Мәғариф министрлығы. Сертификат сабыйына балалар баҡсаһында урын етмәгән өсөн ата-әсәгә муниципалитет тарафынан ай һайын түләнгән 2-2,5 мең һумды алмаштыра. Ул ошондай хәлдәге барлыҡ ғаиләләргә биреләсәк. Аҡса республика бюджетынан бүленә”.

Шарттарҙың береһе – әсәй кеше эшкә сығып, балаһы өсөн пособие алыу туҡтатылған булырға тейеш.

“Сертификаттарҙы 1 сентябрҙән бирә башларға планлаштырабыҙ. Стәрлетамаҡта пилот проекты уңышлы үтһә, киләһе йылда был алым тотош республикаға тараласаҡ”, – тине Ленара Иванова.