Һүҙҙәрен боҙоп еткерҙеләр

Дәүләт Йыйылышы – Ҡоролтай Рәйесе Константин Толкачев балаһыҙҙарҙан һалым түләтеү тураһындағы яҙмаһын алып ташлаған һәм уның урынына икенсеһен яҙған:

“Минең Башҡортостандағы тыуымдың кәмеүе айҡанлы яҙған аңлатмам матбуғатта ҡот осҡос боҙоп күрһәтелде, – тип яҙа ул. – 1 августа яҙғанымды алып ташлайым һәм фекеремде икенсе төрлө аңлатам: эйе, балаһыҙҙарҙан һалым түләтеү СССР-ҙа 1941 йылда индерелгәйне һәм ул ошо ил тарҡалғансы йәшәне, ләкин миңә балалы ғаиләләргә, йәғни ата-әсәләргә һалымды кәметеү идеяһы нығыраҡ оҡшай.

Демографияның насарайыуы – иҡтисадты, һаулыҡ һаҡлауҙы, мәҙәниәтте, мәғарифты, торлаҡ менән тәьмин ителеште һәм башҡа тармаҡтарҙы берләштергән комплекслы проблема ул. Парламенттың көҙгө сессияһында беҙ ошо мәсьәлә менән ныҡлап шөғөлләнергә уйлайбыҙ”.

Фото: 77.fair.ru