“Ғаилә ялы” – һәр кем өсөн

Миҙгеленә ярашлы, сара “Тиҙҙән мәктәпкә!” девизы аҫтында үтте. Унда балалар ғына түгел, ата-әсәләр ҙә ихлас ҡатнашты. Мәҫәлән, “Белемдең алтын асҡысы” тип аталған квест бәләкәстәрҙе лә, ололарҙы ла мауыҡтырҙы. Унан тыш, бихисап оҫталыҡ дәрестәре, ғәмәли саралар ҙа ойошторолғайны. Балалар хәүефһеҙлек браслеттарын яһаны, “оригами” техникаһы буйынса ҡағыҙҙан төрлө әйбер эшләне, ағас әйберҙәргә декупаж яһаны, ҡомдоң үҙенсәлектәрен өйрәнде, шахмат уйыны серҙәренә төшөндө.

Байрам концерт номерҙары менән аралашып барҙы, “Мәктәпкә йыйынырға ярҙам ит!” республика акцияһы ла гөрләп барҙы.

Өфөлә, “Башҡортостан” лайфстайл үҙәге эргәһендә үткән “Ғаилә ялы” ла күптәр өсөн әһәмиәтле булды.