+17 °С
Ясно
Социаль мәсьәлә
2 Декабря 2019, 11:00
Радий Хәбиров:” Өфөлә бысраҡ, туҙған техника булмаясаҡ”
Тағы ла бер яңылыҡ: шәхси бизнес ҡарамағындағы бөтә автобустарҙа юлға түләү терминалын ҡуйыу мотлаҡ буласаҡ
Башҡортостан Башлығы Радий Хәбиров Хөкүмәттә үткән кәңәшмәлә баш ҡала мэрынан маршруттарҙы хеҙмәтләндереүсе транспорт ойошмалары араһында сираттағы конкурстың ҡасан үткәрелеүе менән ҡыҙыҡһынды.
Өлфәт Мостафиндың әйтеүенсә, конкурс киләһе йылдың тәүге кварталында буласаҡ. Әле тейешле документтар әҙерләнә.
-Беҙ был өлкәлә шәхси бизнестың эшләүе яҡлы, әммә беҙҙең шарттарҙа. Ә беҙҙең шарттар - граждандарҙың мәнфәғәттәре тигән һүҙ. Документтарҙы шул рәүешле әҙерләгеҙ: республикабыҙҙың баш ҡалаһында, миллиондан ашыу халыҡ йәшәгән Өфөлә бысраҡ, туҙған, тутыҡҡан, иҫкергән моделле техника булырға тейеш түгел. Урамдарҙа бары яҡшы сифатлы техника булырға тейеш. Конкурста яҡшы техникаһы менән ҡатнашырға, беҙҙең бөтә сервис бурыстарын үтәргә әҙер булған пассажир ташыусылар менән эшләйәсәкбеҙ. Кем әҙер түгел, тимәк, әлегә бурыстарҙы “Башавтотранс” башҡарасаҡ һәм башҡа компаниялар киләсәк,” – тип белдерҙе Радий Хәбиров.
Тағы ла бер яңылыҡ: шәхси бизнес ҡарамағындағы бөтә автобустарҙа юлға түләү терминалын ҡуйыу мотлаҡ буласаҡ, был хаҡта закон проекты әҙерләнә.
Олег Яровиков фотоһы.
