Рөстәм Нәбиевте АҠШ-та көтәләр

Күренекле блогер көн һайын спорт залына йөрөй. Кисә ул тренировкаға протездарын да алған. Улар менән йүгереү юлында шөғөлләнә.

Быны яҡташыбыҙ видеояҙмаға төшөрөп, Интернет селтәренә һалған. Артабан Рөстәм "Инстаграм" социаль селтәрендә белдереүенсә, уға АҠШ-тан бер кеше яҙып, протезда дөрөҫ йөрөмәүен белдергән һәм үҙ клиникаһына саҡырған. Ул аяҡһыҙҙарҙы протезда йөрөргә өйрәтә икән.

Рөстәмгә видеояҙма ла ебәргән. Унда күренеүенсә, кешеләр бер ниндәй ярҙамһыҙ, хатта таяҡһыҙ протездарҙа йөрөй.

"Был видеояҙманы күргәс, артабан аяҡҡа баҫасағыма тағы бер ышандым. Тырышырға ғына кәрәк. Бәлки, ул клиникаға барырмын да әле. Унда минең хыялымдың тормошҡа ашыуы мөмкин", - тигән Рөстәм үҙенең блогында.

Фото: neinvalid.ru