Яңы үҙәк әҙер

Йоғошло ауырыуҙар үҙәге тиҙ ҡоролған модулле конструкцияларҙан тор­ған бер ҡатлы комплексты тәшкил итә. Дауаханала 100 палаталы (82 бокс һәм 18 реанимация) ике бүлек, диагностика, дезинфекция бүлектәре, хеҙ­мәткәрҙәр өсөн 46 кешелек дөйөм ятаҡ, 25 кешелек ашхана бар. Биләмәлә санитария транспортын эш­кәртеү майҙансығы, таҙар­тыу ҡоролмалары, резерв энергия сығанаҡтары, ҡаҙан­лыҡ, кислород стан­цияһы урынлашҡан.

Йоғошло ауырыуҙар бү­лектәре махсус бокстар, санитария узелдары, шлюз­­дар, ә башҡа бүл­мәләр автономиялы елләтеү ҡу­лайламалары, һауаны та­ҙар­тыу, һауа бүлеү системалары менән тәьмин ителгән.

– Башҡортостан Баш­лығы Радий Хәбиров коронавирус менән сирләгән кешеләрҙе дауалау өсөн яңы йоғошло ауырыуҙар үҙәген ҡыҫҡа ваҡыт эсендә төҙөү бурысын ҡуйҙы. Дауахана республикала, хатта бөтә илдә лә иң яҡшы медицина ойошмаһы исе­менә дәғүә итә ала, тиергә мөмкин. Учреждениеның ҡыҫҡа ваҡыт эсендә – 55 көндә төҙөлөүен иҫәпкә алһаҡ, быны ысын уңыш тип атарға була. Хәҙер уның хужалары – табиптар, – тине Хөкүмәт Премьер-министрының беренсе урынбаҫары Андрей Назаров. – Беҙ йылдам ойошҡанлыҡ һәм эшкә традицион бюрократик ҡараштарҙан баш тартыу нигеҙендә тейешле һөҙөм­тәгә тиҙ һәм сифатлы өл­гә­шеү мөмкинлеген раҫ­ланы”.

Беренсе вице-премьер төҙөүселәргә фиҙакәр һәм тырыш хеҙмәте өсөн рәхмәт әйтте.

– Төҙөүселәребеҙ көнө-төнө эшләне. Был – ысын ҡаһарманлыҡ. Уларға сикһеҙ рәхмәтлемен, – тине Андрей Назаров. Уның әйтеүенсә, Баш­ҡорт­ос­тандағы удар төҙөлөш тәжрибәһе менән башҡа төбәктәрҙә лә ҡыҙыҡ­һыналар.

Әйткәндәй, төҙөлөштә ҡулланылған материал­дарҙың 80 проценттан ашыуы республикала етештерелгән.