“Ярты бәхет бит ул яратҡан эш”

Ул 22 йыл инде матбуғат таратыу, һәр өйгә гәзит- журналдарҙың, яңылыҡтарҙың килеүе өсөн тырыша. Әле Мәләүез почтамтының подписка бүлеге белгесе булып эшләп, Ейәнсура һәм Күгәрсен райондарын хеҙмәт­лән­дерә, 32 элемтә бүлеге менән эш алып бара. “Йыл һайын 150-гә яҡын предприятие, ойошма менән килешеү төҙөйөм. Йортона матбуғат баҫмалары алдырған һәр кемде яҡшы беләм. Киләһе йылға гәзит-журналдарға яҙылыу дауам итә, яңы дуҫтар, фекерҙәштәрҙең күберәк булыуына өмөтләнәм. Өйгә төрлө баҫмалар килеүе күңелле бит ул!” – ти Фәниә Ғәли ҡыҙы. “Яратҡан эш ярты бәхет бит ул”, – тип тә өҫтәне.

Подписка эшен йыл да йәнләндерергә ынтылған хеҙмәт ветеранына “Башҡортостан” гәзите редакцияһының Рәхмәт хатын һәм бүләк тапшырып, уңған коллективҡа сәләмәтлек, арыу-талыуһыҙ хеҙмәт, яҡшы кәйеф теләнек.