+20 °С
Болотло
Социаль мәсьәлә
8 Ноябрь 2020, 05:30
Етемдәргә - фатир асҡысы, әсәләргә - миҙал
Хәйбулла районында ата-әсә ҡарауынан мәхрүм ҡалған ике етемгә фатир асҡысы һәм бишәр бала тәрбиәләгән ике әсәгә миҙал тапшырылды.
Хәйбулла районы хакимиәте башлығы Рөстәм Шәрипов ата-әсә ҡарауынан мәхрүм ҡалған Рим Байғужин менән Ксения Кульковаға фатир асҡысы тапшырып, был йорттоң киләсәктә улар өсөн иң яҡын урынға әйләнеүен теләне. "Бәхетле булығыҙ, үҙ тормошоғоҙҙо ҡороғоҙ, үҙегеҙгә оҡшаған һөнәргә эйә булығыҙ, маҡсаттарығыҙға ынтылығыҙ" - тигән изге теләктәр ҙә яңғыраны.
Быйылғы йылда районда етем һәм ата-әсә ҡарауынан мәхрүм ҡалған балаларға биш фатир тапшырылған.
Ошо уҡ көндә Рөстәм Динислам улы биш бала тәрбиәләгән Айгөл Новичихина менән Ильвира Йәрмөхәмәтоваға "Әсәлек даны" миҙалы ла тапшырҙы.
Фото: Сәлимә Байгилдина.
