Ғинуар башында нисек ял итәсәкбеҙ?

Рәсәйҙең Хеҙмәт кодексына ярашлы, 1, 2, 3, 4, 5, 6 һәм 8 ғинуар – Яңы йыл каникулдары, 7 ғинуар – Раштыуа – байрам көндәре һанала.

“2021 йылда эш көнө булмаған 2, 3 ғинуар шәмбе һәм йәкшәмбегә тура килә. Рәсәй Хөкүмәте ҡарарына ярашлы, 2 ғинуарҙағы ял көнө йома булған 5 ноябргә күсерелгән. 3 ғинуар – 31 декабрҙәге йомаға”, – тип белдерҙеләр Ғаилә, хеҙмәт һәм халыҡты социаль яҡлау министрлығынан. Өҫтәүенә кесе йомала, 31 декабрҙә, эш ваҡыты бер сәғәткә ҡыҫҡартыла.

Шулай итеп, 2021 йылдың 1, 2, 3, 4, 5, 6, 7 , 8, 9 һәм 10 ғинуары, Яңы йыл каникулдары менән бәйле, эш көнө булмаған байрам һәм ял көндәре һанала.

Йыл һайын бирелгән төп йәки өҫтәмә түләүле отпускка 1, 2, 3, 4, 5, 6, 7 һәм 8 ғинуар календарь көндәр һаны иҫәбенә индерелмәй.

Фото: "Бәйләнештә".