+24 °С
Ямғыр
Социаль мәсьәлә
16 Март 2021, 13:22
Йәшәү минимумына етмәһә…
Дөйөм матди тәьминәт күләме ошо төбәктәге хаҡлы ялдағыларҙың йәшәү минимумы дәүмәленә етмәһә, эшләмәгән пенсионерҙарға федераль йәки төбәк өҫтәмәһе билдәләнә.
Дөйөм матди тәьминәт күләме ошо төбәктәге хаҡлы ялдағыларҙың йәшәү минимумы дәүмәленә етмәһә, эшләмәгән пенсионерҙарға федераль йәки төбәк өҫтәмәһе билдәләнә.
Федераль социаль өҫтәмә Рәсәй Пенсия фондының территориаль органы тарафынан түләнә. Был аҡса эшләмәгән пенсионерҙың дөйөм аҡсалата тәьминәте ул йәшәгән төбәктәге йәшәү минимумы дәүмәленә етмәгән осраҡта билдәләнә. Мәғлүм булыуынса, төбәктәрҙә пенсионерҙарҙың йәшәү минимумы тотош Рәсәй буйынса был күрһәткестән түбәнерәк.
Төбәк социаль өҫтәмәһе социаль яҡлау органдары тарафынан түләнә. Ул ил субъектындағы пенсионерҙың йәшәү минимумы бөтә Рәсәй буйынса ошо күрһәткестән юғарыраҡ, ә дөйөм аҡсалата тәьминәте төбәктәге пенсионерҙың йәшәү минимумынан түбәнерәк булғанда билдәләнә.
Эшләмәгән пенсионерҙың дөйөм матди тәьминәтен иҫәпләгәндә түбәндәгеләр иғтибарға алына:
* бөтә пенсиялар;
* сроклы пенсия түләүҙәре;
* өҫтәмә матди (социаль) тәьминәт;
* айлыҡ аҡсалата түләүҙәр (шул иҫәптән социаль хеҙмәттәр йыйылмаһының хаҡы);
* Рәсәй төбәктәре ҡануниәтенә ярашлы, аҡсалата билдәләнгән башҡа социаль ярҙам саралары (бер тапҡыр күрһәтелә торған социаль ярҙам сараларынан тыш).
Бынан тыш, пенсионерҙың дөйөм матди тәьминәтен иҫәпләгәндә телефонды файҙаланған, торлаҡ һәм коммуналь хеҙмәттәр, бөтә төр пассажирҙар транспортында юл йөрөү өсөн түләүҙәр буйынса социаль ярҙам сараларының аҡсалата эквиваленты, шулай уҡ ошондай хеҙмәттәр өсөн түләүгә сығымды аҡсалата компенсациялау ҙа иҫәпкә алына.
