“Йондоҙ” булыу еңел түгел

Фотограф, социаль сел­тәргә һалған һүрәттәренә аң­лат­ма биреп, Юраның алдаҡ­сы­лар һүҙенә ышанып банктан аҡса алыуына, ҙур бу­рысҡа батыуына әсенеп яҙған. Бер-ике минуттан тәүге аҡса суммаһы килеп тә төшкән, ә бер сәғәттән сит илдә йәшәгәндәрҙән аҡса килә башлаған. Тәүлек эсендә тейешле сумма йыйылған. Юраға хатта GQ журналы битенә эләгергә насип булған.

Хәҙер ир иғтибар үҙәгендә. Уның менән бергә фотоға тө­шөргә теләүселәр етерлек. Әле ул бер аҙ сирләп тора, оҙаҡламай ғәҙәттәге хеҙмә­тенә ҡайтмаҡсы, ти дуҫы. Әммә Юрий Ветлугиндың фотомодель булып эшләргә лә теләге юҡ түгел.

Ә бына Роман Филипповты бындай популярлыҡ арытҡан. ”Мин бындай иғтибарға күнек­мә­гәнмен. Әйҙә, ул Юраға күбе­рәк эләкһен, ул бит беҙҙең “йондоҙ”! – тип шаярта фотограф.

Фотокүргәҙмә Юраның йәш фанаттарына уның менән яҡыныраҡ танышырға ярҙам итте. Уның аккаунтына яҙыл­ған кешеләр һаны артҡан. Урам һепереүсене төрлө программаларға саҡырыуҙар дауам итә, ул бындай таны­лыуҙан ялыҡмаған төҫлө, по­пулярлыҡҡа еңел ҡарай. Яңы­нан һепертке менән кө­рәккә тотонорға тура килһә лә, аптырап тормаясаҡ, ул әҙер!