Эш планлы рәүештә бара

Шулай, 2021 йылдың беренсе кварталында республика райондары һәм ҡалалары халыҡ мәшғүллеге үҙәктәренә эшкә урынлаштырыуҙа ярҙам һорап үрҙә күрһәтелгән категорияға ҡараған 176 кеше мөрәжәғәт иткән. Ғинуар – мартта уларҙың 57-һе эш менән тәьмин ителгән. Был кимәл 32,4 процент тәшкил иткән. Был, былтырғы осор менән сағыштырғанда, күпкә юғарыраҡ. 2021 йылда 181 йәки элек иректән мәхрүм ителгәндәрҙең 28,5 проценты эш менән тәьмин ителгән.

– Республикалағы барлыҡ халыҡ мәшғүллеге үҙәктәрендә граждандарҙы, шул иҫәптән иректән мәхрүм итеү урындарынан сыҡҡандарҙы ла, ҡулайлы эш эҙләү буйынса планлы һәм даими рәүештә эш алып барыла. Кешеләргә тиҙерәк ҡулайлашыу һәм социалләшеү өсөн ваҡытлыса мәшғүллекте, шул иҫәптән ижтимағи эшкә ойоштороу, төбәктәге хеҙмәт баҙарындағы хәл тураһында мәғлүмәт биреү кеүек саралар ярҙам итә. Эше булмаған граждандарҙы үҙаллы, әүҙем эш эҙләү, резюме төҙөү, эш биреүсе менән эшлекле әңгәмә алып барыу, үҙ-үҙен презентациялау нескәлектәренә өйрәтәләр, - тип белдерҙе республиканың ғаилә, хеҙмәт һәм халыҡты социаль яҡлау министрының беренсе урынбаҫары Юрий Мельников.

Эшһеҙ граждандарҙы, шул иҫәптән иректән мәхрүм итеү урындарынан азат ителгәндәрҙе, Яза-башҡарыу федераль хеҙмәтененең Башҡортостан буйынса идаралығының енәйәт-башҡарыу инспекцияларында иҫәптә торғандарҙы эш менән тәьмин итеү “Башҡортостан Республикаһында хеҙмәт баҙарын көйләү һәм халыҡ мәшғүллегенә булышлыҡ итеү” дәүләт проограммаһы сиктәрендә атҡарыла. Эш Яза-башҡарыу федераль хеҙмәтененең Башҡортостан буйынса идаралығы менән республиканың Ғаилә, хеҙмәт һәм халыҡты социаль яҡлау министрлығы тарафынан үткәрелә. Һөнәри ориентацияла “Башҡортостан Республикаһының киләсәк командаһы” порталы (https://komanda-rb.ru/) әүҙем ярҙамсы булып тора.

2019 йылдан ағымдағы йылдың 1 кварталына тиклем социаль адаптация һәм граждандарға психологик ярҙам буйынса дәүләт хеҙмәтен иректән мәхрүм итеү урындарынан сыҡҡан 149 кеше алған.

Фото: pravitelstvorb.ru