Эш табыуы анһат түгел

Ғаилә, хеҙмәт һәм халыҡты социаль яҡлау министрлығы ярҙамында SuperJob спикерҙары республиканың мәшғүллек үҙәктәре хеҙмәткәрҙәре өсөн вебинар ойошторҙо.

Иҫегеҙгә төшәрәбеҙ, берлектәге бындай саралар хеҙмәт ресурста­рының сифатын яҡшыртыу буйынса оҙайлы проектты тормошҡа ашырыу тураһында килешеүгә ярашлы үткә­релә.

Онлайн тәртибендәге сара етмеш кешене йыйҙы. Һөнәри йүнәлеш биреү бүлеге белгесе Артем Дорошин сайтта вакансиялар тәҡдим итеү, кандидат­тарҙы йәлеп итеү өсөн өҫтәмә ысулдар табыу тураһында һөйләне. Компания вәкиле яраҡлы кадрҙарҙы һайлауҙа ваҡытты ҡыҫҡартыусы тәьҫирле ысулдар хаҡында кәңәштәр бирҙе. Хеҙмәт баҙарында конкурент­лыҡҡа һәләтле­лекте арттырыу менән бергә профилле белгестәр кимәлен яҡшыртыу кәрәк­леге лә әйтелде.

Лекторҙар мәшғүллек үҙәктәре хеҙмәткәрҙәренә резюмеларҙы тикшереү буйынса күнекмәләрҙе яҡшыртыуҙа, уларҙы һайлап алыуҙа ярҙам итә. “Һөҙөмтәлә кадрҙар резервын формалаштырыу һәм профилле учреждениеларҙың эш сифатын яҡшыртыуға мөмкинлек арта”, – ти компания вәкиле Елена Никифорова.

Йыл аҙағына тиклем спикерҙар республика халҡы өсөн даими рәүештә түләүһеҙ онлайн-курстар ойошторасаҡ.

Динә АРЫҪЛАНОВА.