+21 °С
Болотло
Социаль мәсьәлә
17 Ноябрь 2021, 05:01
Ғорурланырға урын бар
Республикаға идара итеү үҙәге һәм Башҡортостан юлдаш телевидениеһының берлектәге “Ғорурланыу өсөн сәбәп бар” проекты барыбыҙ ҙа һоҡланырлыҡ, өлгө алырлыҡ яҡташтарыбыҙ менән таныштыра.
Акция Бөйөк Ватан һуғышы батырҙары, ил именлеген һаҡлаған, уның байлыҡтарын арттырған ябай хеҙмәт кешеләре тураһындағы ваҡиғаларҙы берләштергән.
Проекттың сираттағы геройы – Өфөләге 5-се ҡала дауаханаһы отоларингология бүлексәһенең өлкән шәфҡәт туташы Фәғилә Шамил ҡыҙы Бурхацкая. 2020 йылдың апреленән алып шәфҡәт туташы ковид менән сирле пациенттарҙың ғүмерҙәрен ҡотҡарыуҙа фиҙакәрлек күрһәтә.
Профессиональ бурысын үтәүҙәге ҡаһарманлығы өсөн ул Рәсәй Президенты Указы менән “Ватан алдындағы ҡаҙаныштары өсөн” ордены менән наградланды.
“Ғорурланыу өсөн сәбәп бар” – асыҡ проект, һәр кем үҙенең йәки таныштарының эшмәкәрлеге тураһында иҫтәлекле ваҡиғалар менән уртаҡлаша ала. Һеҙҙе акцияла дәррәү ҡатнашырға саҡырабыҙ!
Динә АРЫҪЛАНОВА.
