Бәхетлеләр айфондарын балаларына бүләк итәсәк

Өфөләр #БеҙБергә акцияһы сиктәрендә сауҙа үҙәктәре ойошторған отошта ҡатнашты. Кисә бәхетлеләр билдәләнде. Анастасия Батурина һәм Рөстәм Сухов 13-сө модель "Айфон"ға эйә булды. 

“Ҡыҙыбыҙҙың хыялын тормошҡа ашырабыҙ тип ҡыуандыҡ. Тормошта мине ғаилә именлеге ҡыҙыҡһындыра, ошо йәһәттән көсөм барҙа хеҙмәт итәм. Бер нисә тапҡыр лотереяла еңеп сыҡтым, ике тапҡыр артыҡ ҙур булмаған сумма оттом. Дөйөм алғанда, ҡасан да булһа, уңыш йылмайыр тип ышандым. Иң мөһиме – ҡатыным менән ҡыҙыма ла яҡшы. Улар – һәр саҡ йөрәгемдә. Бүләкте ҡыҙыма бирәм, әлбиттә, сөнки уның тиҙҙән тыуған көнө. Уға 18 йәш тула. Исеме - Әминә”, - тип хис-тойғоһо менән бүлеште Рөстәм Сухов.

Сараны ойоштороусылар - «МЕГА Өфө», «Планета», «Ҡунаҡһарай», «Галерея ART», «СемьЯ», «Үҙәк», «Иремель», «Простор», «Универмаг “Өфө”». 

- Бының мөмкин булыуына ышанманым. Бер ниндәй отошта ла еңгәнем юҡ ине. Тормошта ошондай яҡшы кешеләрҙе осратам. Акцияны ойоштороусыларға рәхмәт.  Был призды 18 йәшлек улыма бүләк итәсәкмен. Бындай гаджетҡа ул шат, хатта һалымды үҙ стипендияһынан түләйәсәкмен тип әйтте, - тип ҡыуана Анастасия Батурина.

 www.ВместеУфа.рф сайтында вакцинацияланған граждандар QR-кодын теркәй, сауҙа үҙәктәрен ҡуртымға алған махсус тәҡдимдәрҙән файҙаланыу мөмкин буласаҡ.

- Һәр ваҡыт үҙгәреп торған эш шарттары һәм эпидемиологик хәлде көйләү саралары, әлбиттә, эшҡыуарлыҡҡа йоғонто яһай. Ысынбарлыҡта бергәләшеп кенә пандемияға тиклемге күрһәткестәргә өлгәшергә мөмкин, иң мөһиме – хәефһеҙ эш режимы. Иң төп звено – бында килгәндәргә һаҡсыл ҡараш, - ти “Үҙәк” сауҙа комплексы идарасыһы Игорь Мутраков.

- Көн һайын теркәлгән ҡатнашыусылар араһында ҙур бүләктәр (көнкүреш техникаһы, гаджеттар, бүләкләү сертификаттары) – кинотеатрҙарға билеттар һәм башҡалар уйнатыла. Барлыҡ бүләкләү фонды – бер миллион һум. Айырым алғанда, 100 мең һумлыҡ бүләкләү картаһы, биш Apple (iPhone 13), тағы ҡуртымға алынған сауҙа үҙәктәрендәге кинотеатрҙарға, ресторандарға 500 саҡырыу билеты.

- #БеҙБергә - быға тиклем булмағанса берҙәмлек һәм эшҡыуарлыҡтың ярҙамы тарихы, - тип иҫәпләй “Ҡунаҡһарай” сауҙа комплексы идарасыһы Руслан Ғәлин.

Фото: социаль селтәрҙән.