Улар эшенән ебәреләсәк

“Хөкүмәт ултырышында Өфөлә, Стәрлетамаҡта, Мәсәғүттә һәм Баймаҡта социаль объекттар төҙөү ваҡытының ни өсөн үтәлмәүен тикшерҙек”, тип яҙҙы Премьер-министр Андрей Назаров социаль селтәрҙәге сәхифәһендә.

“Тимәк, бындағы халыҡ үтә кәрәкле объекттарҙы үҙ ваҡытында ала алмаясаҡ. Йәнә асыҡланыуынса, Мәсәғүт буйынса проект ваҡытында төҙөп өлгөртөрлөк итеп эшләнмәгән - бурыстарына яуапһыҙ ҡарағандар.

Мин һәр етешһеҙлектең үҙ исем-шәрифе бар тип иҫәпләйем. Был осраҡта Төҙөлөш һәм архитектура министрлығында, Капиталь төҙөлөш идаралығындағы яуаплы хеҙмәткәрҙәр үҙ бурысын үтәмәгән. Улар эшенән бушатыласаҡ. Был мәсьәләләрҙә бер кемдең дә башынан һыйпамаясаҡбыҙ”, – тип яҙҙы Премьер-министр.

Фото: bashinform.ru