Балалар өсөн вакцина нисек әҙерләнгән?

Рәсәйҙең Биотехнологтар йәмғиәте вице-президенты Игорь Красильников онлайн форматта 27 ғинуарҙа “РБК-Өфө” каналында барған тапшырыуҙа Рауил Ватолин биргән “Вакцина балалар организмы өсөн нисек әҙерләнгән?” тигән һәм башҡа һорауҙарға яуап бирҙе.

“Был – вакцинациялауҙың ябай практикаһы, йәғни балалар вакцинаһында антиген аҙ. Бында ул биш тапҡырға кәметелгән. Тикшеренеүселәр был доза вакцинациялауҙан ҡатмарлыҡтарҙы булдырмауға етә тип белдерҙе. Шуға доза минималь кимәлдә кәметелгән. Әгәр беренсе вакцинациялауҙан һуң аллергия осрағы теркәлһә, икенсеһен эшләтеү кәрәкмәй. Әлбиттә, пандемия осоронда вакцинация кәрәк, тик ул һаҡсыл рәүештә ҡулланылырға, табиптың балаға вакцинациялауға ҡаршы күрһәтмәләре булмаҫҡа тейеш”.

“Аллергия осраҡтарына килгәндә, был йәһәттән вакцина нисек әҙерләнгән?” тигән һорауға: “Ошо йәһәттән балалар вакцинаһы тарихын иҫкә төшөргө килә. Полиомиелитҡа ҡаршы прививканы алайыҡ. Беҙҙә ул таҙартылмаған вакцина, йәғни аллергия осраҡтарының теркәлеү ихтималлығы байтаҡҡа күберәк ине, - тине Игорь Красильников. - Һәр саҡ вакцинаның нисек һөҙөмтәле икәнлеге хаҡында уйларға кәрәк. Барыһы ла ыңғай һәм кире реакцияларҙың нисбәтенә бәйле буласаҡ. Был һәр вакцина өсөн өйрәнелә. Әммә әлегә бындай күрһәткестәр юҡ. Хәҙерге вакцинаға килгәндә, ул етерлек таҙартылған, аҙағына тиклем һөҙөмтәле икәнлеген баһалау өсөн ҙур ғына арауыҡ ваҡыт кәрәк буласаҡ”.

Байтаҡ өлкәндәр ҙә заман сире менән ауырыны, ниндәйҙер кимәлдә коллектив иммунитет барлыҡҡа килде. “Тик штамдың үҙгәреүе күҙ уңында булырға тейеш. Ул нисек балалар сирләүенә йоғонто яһаясаҡ? Өс аҙнанан һуң нисек булыр? Омикрондың икенсе тулҡыны килеү осрағында ул нисек булыр? – тине Игорь Викторович. – Вирус китмәй, шуға һаҡланырға кәрәк, бигерәк тә балалар сәләмәтлегенә һаҡсыл ҡараш булһын”.

Фото: pharmvestnik.ru