Башҡортостан
-12 °С
Болотло
VKOKРУС
Бөтә яңылыҡтар
Социаль мәсьәлә
13 Апрель 2022, 14:15

Ниндәй дауахана иң яҡшыһы?

Был конкурс  һаулыҡты нығытыу һәм һаҡлау буйынса алдынғы тәжрибәне асыҡлау маҡсатында үткәрелгән.

Ниндәй дауахана иң яҡшыһы?
Ниндәй дауахана иң яҡшыһы?

500-ҙән ашыу хеҙмәткәре булған ойошмалар араһында ойошторолған “Сәләмәтлекте  нығытыу буйынса иң яҡшы корпоратив программа” I республика конкурсына һөҙөмтәләр яһалған. Өфөләге 21-се дауахана “Физик әүҙемлекте күтәреү” номинацияһында иң яҡшыларҙың береһе тип табылған.

Был сара һаулыҡты нығытыу һәм һаҡлау буйынса алдынғы тәжрибәне асыҡлау маҡсатында үткәрелгән. Конкурс комиссияһы составына Башҡортостандың Профсоюздар федерацияһы, республиканың тармаҡ профсоюз комитеттары, Фәндәр академияһы, Ғаилә, хеҙмәт һәм халыҡты социаль яҡлау, Спорт министрлыҡтары, республиканың Эш биреүселәр союзы, Республика йәмәғәт сәләмәтлеге һәм медицина иҫкәртеүе үҙәге вәкилдәре ингән, тип белдерә республиканың Һаулыҡ һаҡлау министрлығының матбуғат хеҙмәте.

  • Был – тотош коллектив наградаһы, һаулыҡты нығытыу һәм сәләмәт тормош алып барыу буйынса дөйөм эш һөҙөмтәһе, - тип белдергән дауахананың баш табибы Ринат Нагаев.

21-се дауахана табиптары хәбәр итеүенсә, коллектив өсөн ҙур әһәмиәткә эйә награданы ғаилә, хеҙмәт һәм халыҡты социаль яҡлау министры Ленара Иванова ҡулынан алыу – үҙе бер ҡыуаныслы күренеш.

Фото: БР Һаулыҡ һаҡлау министрлығы.

Автор:Айһылыу Низамова
Читайте нас в