Социаль түләүҙәр ҡасан бирелә?

Яҙ һәм хеҙмәт, Еңеү көндәрен билдәләү сәбәпле, майҙың тәүге ике эш аҙнаһы ҡыҫҡа буласаҡ. Шуға Рәсәй почтаһы аша социаль түләүҙәрҙе алғандарға аҡса иртәрәк, 3 – 7 майҙа, түләнәсәк.

Уларҙы алыу мәсьәләһе буйынса урындағы почта бүлексәһенә мөрәжәғәт итергә мөмкин. 11 майҙан иһә социаль түләүҙәрҙе ғәҙәттәге график буйынса алып буласаҡ. Республиканың Ғаилә, хеҙмәт һәм халыҡты социаль яҡлау министрлығынан хәбәр итеүҙәренсә, быйыл апрелдә почта бүлексәләре буйынса түләүҙәр пенсия һәм башҡа социаль түләүҙәр графигына ярашлы атҡарыла.

Фото: 9111.ru