Башҡортостан
-24 °С
Болотло
VKOKРУС
Бөтә яңылыҡтар
Социаль мәсьәлә
28 Апрель , 12:00

Абруйлы миҙалға кемдәр лайыҡ?

Башҡортостанда “Ата-әсә ҡаһарманлығы”  миҙалына дәғүә итеүселәр  категорияһын киңәйтәләр...

Абруйлы миҙалға кемдәр лайыҡ?
Абруйлы миҙалға кемдәр лайыҡ?

Башҡортостанда “Ата-әсә ҡаһарманлығы”  миҙалына дәғүә итеүселәр  категорияһын киңәйтергә уйлайҙар.   Иҫегеҙгә төшөрәбеҙ, миҙал менән бергә ғаиләгә 100 мең һум күләмендә аҡса ла бирелә.

Дәүләт Йыйылышы - Ҡоролтай Рәйесе Константин Толкачев хәбәр итеүенсә, хәҙер түләүҙәрҙе ете бала үҫтергән ата-әсәнең дә алыуы ихтимал. Яңы төҙәтмәләр индерелгәндән һуң граждандарҙың дүрт категорияһы  был миҙалға дәғүә итә ала: республикаға дан килтергән,  кеше ғүмерен ҡотҡарыуҙа, законлылыҡ, хоҡуҡ тәртибен,  хәүефһеҙлекте һаҡлау буйынса батырлыҡ күрһәткән йәки фән, ижад,  спорт йәиһә ижтимағи әһәмиәтле эшмәкәрлектә ҡаҙаныштарға өлгәшкән балалар тәрбиәләгән  ата-әсәләр, опекундар һәм  попечителдәр;  өс һәм унан да ашыу инвалид баланы уллыҡҡа (ҡыҙ итеп) алған ата-әсәләр;  ата-әсә ҡарауынан мәхрүм ҡалған бәлиғ булмаған ете һәм унан да күберәк баланы тәрбиәгә алған опекундар,  попечителдәр (шул иҫәптән, балаларҙы ғаиләгә ҡабул иткән ата-әсәләр, патронат тәрбиәселәр); ете һәм унан да күберәк бала тәрбиәләгәндәр һәм тәрбиәләүселәр.

 

Фото: Rg.ru



Автор:Дина Арсланова
Читайте нас в