Һәр саҡ ярҙам итергә ашыға

Бала саҡтан фельдшер булырға теләгән Луиза Кәлимулла ҡыҙы  Солтангәрәева 1983 йылда Салауат медицина колледжында белем алғас, Күмертау бала табыу йортонда эшләгән. 1987 йылдан алып - тыуған Яңы Таймаҫ ауылындағы фельдшер-акушерлыҡ пунктында. Тормош девизы: “Барлыҡ ауырлыҡтарға бирешмәҫкә, бары алға ынтылырға!”

Уңған фельдшерҙың Рәсим улы Башҡорт дәүләт университеты филология факультетының инглиз бүлексәһен тамамлаған. Ғаиләһе менән Өфө районының Шамонин ауылында йәшәйҙәр. Ҡыҙы Альбина  ошо уҡ уҡыу йортоноң тарих факультетында белем алған. Ғаиләһе менән Өфө ҡалаһында йәшәйҙәр.

Луиза Кәлимулла ҡыҙы Гиппократ антына тоғро, эшен яратып башҡара, көн-төн тимәй, медицина ярҙамына мохтаждарға ярҙам итергә ашыға.

Фото: ғаилә архивынан.