Капиталь ремонтҡа льготанан кемдәр файҙалана аласаҡ?

Пенсионерҙар өсөн республикала капиталь ремонтҡа иғәнәләр буйынса льготаларҙан файҙаланыу һаҡланасаҡ. Был хаҡтағы закон проекты тәүге уҡыуҙа Дәүләт Йыйылышы – Ҡоролтай тарафынан ҡабул ителде.

“70 йәштәге һәм унан өлкәнерәк йәштәге торлаҡ хужалары өсөн капиталь ремонтҡа иғәнәләр суммаһының 50 проценты ҡайтарыла, ә 80 йәштәге һәм унан өлкәнерәк йәштәгеләргә – 100 проценты. Льгота эшләмәгән, айырым йәшәгән, эшләмәгән йәки 1-се һәм 2-се төркөм инвалидтарынан торған ғаиләлә йәшәгән пенсионерҙар өсөн ҡаралған. Был социаль ярҙам сараһының срогы 2022 йылда тамамлана, шуға күрә уны 2024 йыл аҙағына тиклем оҙайтырға тәҡдим ителде”, - тине Дәүләт Йыйылышы –Ҡоролтай рәйесе Константин Толкачев.

Фото: rbk.ru