Круизда ҡатнашыусылар араһында Ғәзиз дә бар

31 июлдән 12 авгусҡа тиклем “Рәсәй – мөмкинлектәр иле” президент платформаһындағы конкурстарҙа һәм проекттарҙа ҡатнашыусылар “Сәйәхәт кенә түгел” программаһы буйынса 12 көнлөк теплоходтағы круизға сыҡты.

“Мөмкинлектәр теплоходы”ның өсөнсө сменаһында “Абилимпикс” конкурстары еңеүселәре ҡатнаша. Йылға круизындағылар араһында терәк-хәрәкәт ағзалары зарарланған уҡыусылар өсөн 13-сө Өфө коррекция мәктәп-интернаты уҡыусыһы Ғәзиз Яҡупов та бар.

- Бөгөн “Абилимпикс” инвалидтар һәм һаулыҡ мөмкинлектәре сикләнгәндәр араһында һөнәри оҫталыҡ буйынса чемпионат Башҡортостанда ҙур хәрәкәткә әүерелде. Беҙ һәр ҡатнашыусы менән ғорурланабыҙ. “Рәсәй – мөмкинлектр иле” президент платформаһының “Мөмкинлектәр теплоходы” проектында еңеүселәрҙең ҡатнашыуы – еңеүгә ынтылыуҙың шәп миҫалы. Был ябай булмаған тормош хәленә ҡалған кешенең күпте еңеп сығыуы, уңышҡа ҡаҙаныуы тураһында һөйләй, - тип белдерҙе республиканың мәғариф һәм фән министры Айбулат Хажин.

Волга буйынса үткәрелгән круиз 11 ҡаланы үҙ эсенә ала: Мәскәү – Углич – Ярославль – Кострома — Түбәнге Новгород – Чебоксар – Ульяновск – Һамар – Һарытау – Волгоград – Әстерхан.

Ғәзиз Яҡупов – V “Абилимпикс” милли чемпионатының “CAD/САПР” инженер дизайны" һәм VI милли чемпионаттың “Виртуаль һәм өҫтәмә ысынбарлыҡты уйлап сығарыусы” компетенцияларында еңеүсе.

Фото: pravitelstvorb.ru