54 мең кешене хеҙмәтләндерәсәк

Башҡортостан Башлығы Радий Хәбиров социаль селтәрҙәге сәхифәһендә түбәндәгеләр хаҡында яҙҙы. “Бөрөлә урында йәшәүселәр оҙаҡ көткән поликлиниканы астыҡ. Беҙ уны төҙөргә вәғәҙә иткәйнек һәм һүҙебеҙҙә торҙоҡ.

Поликлиника 54 мең кешене, шул иҫәптән 13 мең баланы хеҙмәтләндерәсәк. Бинала – дүрт этаж, ике айырым инеү урыны - өлкән һәм балалар бүлексәләренә, уңайлы лифттар, аҙ хәрәкәт иткән пациенттар өсөн уңайлы мөхит.

Поликлиникала яҡшы заманса ҡорамалдар – эндоскопия, офтальмология, эксперт  класслы УЗИ аппараттары. Бында үҙҙәренең лабораторияһы ла бар. Тағы бында шәп табиптар һәм шәфҡәт туташтары эшләй”.

Фото: Башҡортостан Башлығы Радий Хәбировтың социаль селтәрҙәге сәхифәһенән.