+21 °С
Болотло
Социаль мәсьәлә
21 Октябрь 2022, 03:43
Был аҡса кемдәргә бирелә?
“Ата-әсәлек даны” ордены йәки миҙалы менән бүләкләнгәндәргә лә аҡсалата премия тапшырыласаҡ.
Рәсәй Хөкүмәте “Герой-әсә” исеменә лайыҡ булғандарға бер тапҡыр бирелгән түләм өсөн 30,7 миллион һум аҡса бүлде. Премьер-министр Михаил Мишустин ошо хаҡтағы ҡарарға ҡул ҡуйҙы.
“Ата-әсәлек даны” ордены йәки миҙалы менән бүләкләнгәндәргә лә аҡсалата премия тапшырыласаҡ.
Был түләүҙәр өсөн аҡса быйыл Хөкүмәттең резерв фондынан бүленәсәк. 2023 – 2025 йылдарҙа мотлаҡ кәрәк ошондай түләмдәр өсөн финанс сығымы Хөкүмәт раҫлаған федераль проект бюджетына һалынған.
Белеүебеҙсә, Рәсәйҙә “Герой-әсә” исеме тураһындағы Указға Президент Владимир Путин ҡул ҡуйғайны. Уның шарттарына ярашлы, 10 һәм унан да күберәк бала тәрбиәләгән ҡатындар 1 миллион һум күләмендә бер тапҡыр түләнә торған аҡса менән бүләкләнәсәк.
Бынан тыш, “Ата-әсәлек даны” миҙалы менән наградланғанда ата-әсәнең береһенә йәки уллыҡҡа алғандарҙың береһенә 200 мең һум күләмендә аҡса бирелә.
Айһылыу НИЗАМОВА
