Һорауҙарға – яуаптар

“Ремонт эштәре алып барылмай, ҡасан буласағы ла билдәһеҙ. Ни өсөн ул саҡта капиталь ремонт хеҙмәтенә иғәнә түләргә тейешмен?”

“Ни өсөн иғәнә түләйбеҙ?”

– Капиталь ремонт программаһын тормошҡа ашырыуҙың төп маҡсаты – кешеләрҙең күп ҡатлы йорттарҙа уңайлы көнкүрешен тәьмин итеү. Иғәнәләр аҡса туплап, киләсәктә капиталь ремонт яһау өсөн түләнә. Күп ҡатлы йорттарҙа дөйөм милеккә капиталь ремонт үткәреүгә сират түбәндәге күрһәткестәргә ҡарап билдәләнә: йорттоң файҙаланыуға ҡасан тапшырылыуы; һуңғы тапҡыр үткәрелгән капиталь ремонттың датаһы; күп ҡатлы йорттарҙың техник торошона мониторинг һөҙөмтәһе буйынса дөйөм милеккә капиталь ремонт үткәреүгә ихтыяж булыуы.

“Әгәр мин түләмәһәм?”

– Күп ҡатлы йорттарҙағы милек хужалары төбәк операторы иҫәбенә айҙың 10-ына тиклем тулы күләмдә үткән ай өсөн иғәнә күсерә, ваҡытында башҡарылмаған осраҡта, пеня түләргә тура киләсәк.

“Яңы ГОСТ нимә бирә?”

– 1 майҙан илдә газдан файҙаланыуҙы иҫәпләү приборҙарын тикшереү ҡағиҙәләренә яңы дәүләт стандарты индерелде. Магнит полеһы тәьҫиренә счетчикты тикшереү процедураһы индерелеүе лә – стандарттағы мөһим үҙгәрештәрҙең береһе. Был газ иҫәпләү приборҙарын тикшереү өсөн әҙерләнгән тәүге документ булып тора. Стандартҡа ярашлы, газды иҫәпләү приборҙарын бары юридик берәмек милли системаһында аккредитацияланған дәүләт ойошмалары йәки шәхси эшҡыуарҙар ғына тикшереү хоҡуғына эйә.

Ҡабул ителгән яңы ГОСТ-ҡа инде­релгән төп үҙгәреш – газ иҫәпләү при­борҙарын тикшереүҙе көсәйтеү, ул теүәлерәк һәм асыҡ булһын өсөн эште яҡшыртыу. Комитеттың бүлек начальнигы Екатерина Кузьмина  әйтеүенсә, газға аҙыраҡ түләү өсөн магнит ҡулланған милек хужаларын асыҡлау буйынса көрәш йәйелдереләсәк. Элек бындай тәртип боҙоусылар менән эште алып барыу ауыр булһа, хәҙер яңы стандарт, финанс махинацияларын асыҡлауҙан тыш, хужаларҙың хә-үефһеҙлеген дә тәьмин итәсәк.

Башҡортостан Торлаҡ һәм төҙөлөш буйынса дәүләт комитеты.