Министр сабыйҙы бала табыу йортонан барып алды

Һаулыҡ һаҡлау министры Айрат Рәхмәтуллин үҙенең телеграм-каналында шатлығы менән уртаҡлашҡан.

”Беҙҙең ҙур медицина хеҙмәткәрҙәре ғаиләһендә шатлыҡ – республика кардиология үҙәге хеҙмәткәрҙәре Гөлнур һәм Марселдең Сафия исемле ҡыҙҙары донъяға килде. Был сабый – йәш ғаиләлә өсөнсө бала. Әлеге ваҡытта уның атаһы махсус хәрби операция зонаһында хеҙмәт итә, хәрби-ялан госпиталендә  операциялар яһай. Бөгөн ул ҡыҙын перинаталь үҙәктән килеп ала алманы.  Шуға күрә мин уны алыштырҙым. Сабыйҙы ҡаршыланыҡ, әсәне ҡотлап, ғаиләгә һаулыҡ теләнек”, – тип хәбәр итә министр.

Ғаиләгә бәхет, именлек теләйбеҙ!

Фото: Айрат Рәхмәтуллиндың телеграм-каналынан.