Әсәһе кеүек күп бала бағырға теләгән

“Башҡортостан” гәзитенең “Бәйләнештә” төркөмөндә барған, Халыҡ-ара әсә көнөнә арналған конкурста ҡатнашҡан Өфө районының Шамонин ауылында йәшәгән Айгөл Сулпан ҡыҙы Дүшәнбаева – дүрт малай әсәһе. Күмертау педагогия училищеһын, М. Аҡмулла исемендәге Башҡорт дәүләт педагогия университетының Педагогика институтын тамамлаған Айгөл Дүшәнбаеваның барлыҡ йәшәү йәме – балаларында. Уңған ҡатын төрлө ойошма-компанияла эшләп өлгөрә.

Күп балалы әсәнең өлкән өс улы хәҙер Республика инженер лицей-интернатында белем ала. Артур ХI класта уҡый, яҡшы билдәләргә өлгәшә, спортта уңыштары бар, төрлө олимпиадаларҙа даими ҡатнаша. Информатика, математика, физика буйынса һөҙөмтәләре яҡшы ғына. Х класта “Авангард” хәрби-илһөйәрлек лагерында уҡыуҙарҙа булды, парашюттан һикерҙе.
Егет үткән йәй әсәһенә ярҙам итеү маҡсатында беренсе тапҡыр эшләп ҡараны һәм яҡшы ғына эш хаҡы алды.

Илдар IX класта уҡый, спорт менән бик әүҙем шөғөлләнә, һәр иртә йүгерә, лицейҙа үткәрелгән ярыштарҙа үҙ көсөн һынай. Быйыл волейбол буйынса турнирҙа беренсе урын алғандар. Асҡар ҙа ошо уҡ белем усағында.
Шахмат, вокал, йога, математика, инглиз теле түңәрәктәренә йөрөй. Ә бәләкәстәре Самирға алты йәш тулған, балалар баҡсаһына йөрөй. Математика, шахмат, һүрәт төшөрөү түңәрәктәренә йөрөй, мәктәпкә уҡырға барырға әҙерләнә.

Әсә балалары менән бергәләп ваҡыт үткәрергә, ашарға әҙерләргә, ихатала нимәлер эшләргә ярата. Өлкәндәре ҡышҡылыҡҡа мунса өсөн хатта утын әҙерләгән.

- Үҙе лә күп балалы булған әсәйем – беҙҙең терәгебеҙ. Ағайым, мине һәм мыртыйымды тәрбиәләп үҫтергән, шуға күрә үҙем дә күп балалы әсәй булғым килгәйне, - ти Айгөл Сулпан ҡыҙы.
Айгөл Дүшәнбаеваға һәм конкурста ҡатнашҡан башҡа әсәйҙәр өсөн түбәндәге һылтанма буйынса тауыш бирегеҙ, лайктар ҡуйығыҙ һәм байрам айҡанлы изге теләктәрегеҙҙе яҙығыҙ.

Тауыш бирергә: https://vk.com/app7198399_-104965500#poll67349ed8ee6d..

Иң күп тауыш йыйған өс әсәйгә стилист Лилиә Мәхмүтованан шәп бүләктәр әҙерләнек!
1-се урын яулаусыға – белгес оҙатыуында магазинға барып, үҙеңә килешле кейем һайлау
2-се урын – стилист ярҙамында булған кейемеңдең килешлеһен һайлап алыу
3-сө урын – башҡорт телендә стиль тураһындағы марафонға сертификат
Шулай уҡ тәүге 5 урынды яулаған әсәйҙәр тураһында "Башҡортостан" гәзитендә ҙур мәҡәлә донъя күрәсәк, еңеүселәргә милли баҫманың дипломы тапшырыласаҡ.
Конкурс 23 ноябргә тиклем дауам итә. Шул көндә, 21.00 сәғәттә, еңеүселәр асыҡланасаҡ. Уңыштар теләйбеҙ!

Фотолар: Айгөл Дүшәнбаеваның шәхси архивынан.