Түләбаевтар газлы булды

Башҡортостандың Баймаҡ районында «Ватанды һаҡлаусылар» фондының төбәк филиалы социаль координаторы Гөлназ Заманова үҙ ветерандарына һәм һәләк булған яугирҙәрҙең ғаиләләренә комплекслы ярҙам күрһәтә. Ишбирҙе ауылынан Түләбаевтар ғаиләһе уның ҡарамағында. Гөлназ Заманова Түләбаевтарҙың газ үткәреүгә сертификат алыу хыялын тормошҡа ашырырға ярҙам иткән.

Ике тапҡыр документтарҙы рәсмиләштереүҙә билдәле бер хаталар арҡаһында зәңгәр яғыулыҡҡа рөхсәт кире ҡағыла. Социаль координатор был мәсьәлә буйынса консультациялар ойоштора, кәрәкле документтар йыйырға ярҙам итә һәм бөтә дәүләт учреждениеларында Миңлеямал һәм Вәли Түләбаевтарҙы үҙе оҙатып йөрөй.

Һөҙөмтәлә Түләбаевтарҙың йорто газ менән тәьмин итеү селтәрҙәренә тоташтырыла. Миңлеямал һәм Вәли Түләбаевтар республика етәкселегенә, газ хеҙмәттәре белгестәренә һәм «Ватанды һаҡлаусылар» фондының төбәк филиалының социаль координаторҙарына рәхмәт белдерә.