Бөгөндән алып тыуған сабыйҙар өсөн - бушлай ер участкаһы!

Ағиҙел ҡалаһы хакимиәте башлығы Денис Ирназаров ҡыуаныслы яңылыҡ менән уртаҡлашты.

“Ағиҙел ҡалаһында 1 июндән – Халыҡ-ара балаларҙы яҡлау көнөнән алып ғаиләләргә ярҙамдың яңы сараһы тормошҡа ашырыла башлай: яңы тыуған һәр сабый өсөн ҡаланан бүләк – ер участкаһы!

2025 йылдың 1 июненән алып донъяға килгән бала өсөн Ағиҙел ҡалаһындағы һәр ғаилә шәхси йорт төҙөүгә ер участкаһы аласаҡ.

Был башланғыс ғаиләләргә булышлыҡ итеүгә, тыуым артыуына этәргес биреүгә йүнәлтелгән. Бушлай ер участкаһы йәштәргә үҙ йортон һалыуға, хужалыҡ менән шөғөлләнергә мөмкинлек бирәсәк.

Программала ҡатнашыу тураһында аныҡ мәғлүмәт алыу өсөн 8 (34731) 28215 телефоны аша шылтыратырға йәки Ағиҙел ҡалаһы, Сәскәле бульвары, 2 адресы буйынса 201А кабинетына мөрәжәғәт итергә була”, – тип хәбәр итте Денис Ирназаров.

Фотолар Д. Ирназаровтың сәхифәһенән.