“Өфө” менән “Арсенал” араһындағы матчтың баш арбитры Владимир Москалев командаларҙың уйынын бер төрлө баһаламаны, тип белдерҙе беҙҙең клубтың генераль директоры Шамил Ғәзизов.
“Минең субъектив фекерем шул – Москалевтың бөгөн майҙанда ни ҡылғанын аңлатырлыҡ түгел, – тине ул. – Беҙ үҙебеҙ ике хата яһаныҡ, “Арсенал”ға беренсе таймда өҫтөнлөктө тапшырҙыҡ. Ләкин судъяның ҡарары – ҡағиҙә боҙоу осрағы беҙҙә – 23, уларҙа 3 тип иҫәпләү – дөрөҫ түгел, улай булмай! Аңлайым, “Арсенал” һәйбәт уйнаны, әммә ул беҙҙең кимәлдәге команда, бында судъялыҡҡа рәхмәттән башҡа һүҙем юҡ”.
Ғәзизов “Өфө”нөң премьер-лигала урынын һаҡлай алырына шикләнмәй.
“Барыһы ла яҡшы булырына ышанам. Әгәр инде был арбитр беҙҙә судъя вазифаһын йыш үтәһә, ҡыйын буласаҡ. Ләкин барыбер үҙебеҙҙең бурысыбыҙҙы үтәйәсәкбеҙ”, – тип билдәләне ул.