Бөтә яңылыҡтар
Спорт һәм туризм
24 Июнь 2019, 13:56

Ике йәшлектәр ҙә ярышты

Күңелле йәй миҙгелендә балалар өсөн иҫтә ҡалырлыҡ төрлө саралар даими ойошторола.

Резеда Әхмәҙиева фотолары.
Резеда Әхмәҙиева фотолары.
Күңелле йәй миҙгелендә балалар өсөн иҫтә ҡалырлыҡ төрлө саралар даими ойошторола. Ошо көндәрҙә Өфөлә “Башҡортостан” сауҙа һәм уйындар үҙәгенең “Лайфстайл” майҙансығында “Вело бала саҡ” тигән спорт ярышы уҙғарылды.
Ойоштороусыларҙың береһе Резеда Әхмәҙиеваның һүҙҙәренә ҡарағанда, бәйгелә 2-9 йәшлек ҡыҙ һәм малайҙар ҡатнашҡан. Балаларҙың һәр береһенә биштәрҙәр бирелгән, велосипедҡа сират һандары беркетелгән, шулай уҡ эсәр һыу таратылған. Финиш һыҙығын ҡайһы ваҡытта киҫеп үтеүҙәренә ҡарамаҫтан, сарала ҡатнашыусыларҙың һәр береһенә бүләктәр тапшырылған, бер кем дә иғтибарҙан ситтә ҡалмаған.
Ошондай уҡ бәйге ошо урында уҡ 28 июлдә һәм 24 августа үтәсәк.
Читайте нас в