Шүлгәнташ мәмерйәһендә яңы һүрәттәр табылған

Күсемһеҙ мәҙәни мираҫ объекттарын һаҡлау һәм файҙаланыу буйынса ғилми-тикшеренеү үҙәге Шүлгәнташ мәмерйәһен ЮНЕСКО-ның бөтә донъя мираҫы исемлегенә индереү буйынса етди эштәр алып бара. Әле ғилми үҙәктең саҡырыуы буйынса Бөрйән районына Санкт-Петербургтан ҡаялағы боронғо һүрәттәр буйынса белгес, тарихсы Алексей Константинович Солодейников килде.

Ул мәмерйәләге һүрәттәрҙе бер-бер артлы фотоға төшөрөп, уларҙы тасуирлап яҙып, документтар әҙерләргә тейеш. Уның башҡарған эше ЮНЕСКО-ға әҙерләнгән досьеның төп өлөшөн тәшкил итәсәк.