Декан велосипедта сыҡҡан!

Ни сыҡһа ла, БДПУ-ның башҡорт филологияһы факультетынан сыға! Үткән ялдарҙа факультеттың деканы, профессор Луиза Сәмситова үҙенең студенттары менән Өфө урамдары буйлап велосипедта йөрөгән.

– Деканыбыҙ Луиза Хәмзә тарафынан факультетта спортҡа ныҡлы иғтибар бүленә. Ике сәғәттәй етеҙлек һәм яҡшы кәйеф – яңы уҡыу йылы өсөн шәп башланғыс! Бындай велосипедта йөрөүҙәр даими йолаға әүерелер, тип өмөт итәбеҙ, – ти факультет студенты Зиләрә Хәмитова.