Башҡаларға өлгө күрһәтәләр

Был юлы “Бөркөт” стадионына спорт менән дуҫ утыҙҙан ашыу медицина хеҙмәткәре йыйылды. Ярышты ойоштороусылар – Мораҡ үҙәк район дауаханаһы һәм профсоюз комитеты вәкилдәре.

Иң беренсе стартҡа 23-тән 35 йәшкә тиклемге ҡатын-ҡыҙҙар баҫты. Был категорияла финишҡа тәүгеләрҙән булып Кузьминовка фельдшер-аку­шерлыҡ пункты фельдшеры Диана Суракова килде, икенсе урынды Мораҡ үҙәк район дауаханаһының хирургия бү­леге санитаркаһы Зәлиә Әйүпова алды.

36 йәштән 49 йәшкә тик­лемгеләр араһында операция бүлеге шәфҡәт туташы Әл­финур Хөсәйеноваға етеүсе булманы, икенсе урында – Александровка фельдшер-акушерлыҡ пункты фельдшеры Людмила Чепик, өсөнсөлә – бала табыу бүлеге шәфҡәт туташы Рәмзилә Әҡсәнова.

Тәүәкән ауыл-табип амбу­латорияһы акушеркаһы Рузалия Әбдрәхимова 50 йәштән өлкәндәр категорияһында еңеү яуланы. Икенсе урын Йомағужа ауыл участка дауаханаһы стоматологы Наилә Асҡаровала булһа, “баҡыр” миҙалды спорт сараларының иң әүҙем ҡатна­шыусыһы – Мәҡсүт ауыл-табип амбулаторияһы акушеркаһы Рәмилә Дәминева алды.

Ир-егеттәр араһында реаниматолог Фәнүр Суҡбаев (23–35 йәштәгеләр), стоматолог Ринат Ишмөхәмәтов (50 йәш­тән өлкәндәр) һәм баш табип урынбаҫары Мөҙәрис Хәби­буллин (60 йәштән өлкәндәр) үҙ категорияларында беренселекте яуланы.

Еңеүселәр һәм призерҙарға маҡтау грамоталары, иҫтә­лекле бүләктәр тапшырылды. Мораҡ башҡорт гимназия­һы­ның икенсе класс уҡыусыһы Гөлнәзирә Аҡкилдина әсәһе менән бергә бөтә дистанцияны үткәне өсөн махсус бүләккә лайыҡ булды.

Еңеүселәр “Рәсәй саңғы ярышы-2020” сиктәрендә үткә­релгән район спорт сараһында ла сығыш яһаны.