Юртаҡтарға бер ни кәртә түгел!

“Әлегә тамашасыларһыҙ үтә, әммә биш телевизион каналда (Башҡортостан юлдаш телевидениеһы һәм радиотапшырыуҙар каналы, UTV, “Вся Уфа”, “Конный мир”, “СтартТВ”) һәм социаль селтәрҙәрҙә күрһәтелә. Был – “Аҡбуҙат” ипподромында үткәрелгән өсөнсө республика ат спорты турниры. Шуға сәғәт теүәл 12-лә телевизорҙы ҡабыҙып, Архангел, Бөрө, Иглин һәм Салауат райондары юртаҡтарын ҡарайбыҙ”, – тип яҙҙы социаль селтәрҙәге сәхифәһендә республика Башлығы Радий Хәбиров.

Хәтерегеҙгә төшөрәбеҙ: “Терра Башҡортостан” турниры беренсе тапҡыр 2019 йылда үткәрелгәйне. Ул республиканың 100 йыллығына арналды.

Турнирҙың маҡсаты – республиканың муниципаль райондарында йылҡысылыҡты һәм ат спортын үҫтереү ярҙамында башҡорт аттары генофондын булдырыу һәм арттырыу. Бынан тыш, ошондай саралар ярҙамында милли йолалар һаҡланасаҡ, сәләмәт тормош алып барыу пропагандаланасаҡ.

Фото: vk.com/radiyhabirov